දන් සැල් සහ වෙසක්

දන්නා තරමට ලොව බලෙන් කෑම බීම කවන එකම රට ලාංකාවයි. දන්නා තරමට කිසිඳු මානයකින් තොරව පාරේ සිට කෑම බීම ගන්න එකම රටත් ලාංකාවයි. දන්නා තරමට කෑම බීම වැඩිපුරම නාස්ති වෙන එකම රටත් ලාංකාවයි.
ඉහත කරුණු ටිකකට ඌණ පුර්ණ ඇවසි නොවේයයි සිතමි. වෙසක් හා පොසොන් යන පුර පොහොය දෙකටම ලාංකීක ජනාය බොහෝ දාන ශීලී වෙයි. රට පුරා දන්සැල් පවත්වයි. රට පුරා ශ්‍රමදාන පවත්වයි. රට පුරා විවධ සැරසිලි වලින් පහන් සංවේගයක් උපදවයි.

බෞද්ධ කම හෝ බෞද්ධ දර්ශනය පවත්වාගෙන යාමට හුදු ප්‍රතිපත්තී පුජාවම යොග්‍ය නොවෙයි. මේ සඳහා ආමිස පුජාවය සම සහායක් ලබා දෙයි. එහිදි ජනතාවෙගේ පහන් සංවේගය හෝ උනන්දුව ඇති කීරිමට යම් යම් ක්‍රමෝපායන් අවැසි වෙයි. ඉල්ලුම සැපයුම නිය්‍යට හුදු ආර්ථිකවිද්‍යවාට පමණක් අර්ත ගැන්වා කොටු කර තැබිය නොහැක මෙය බුදු දහමටත් අදාලවෙයි. නමුත් යොදා ගත යුතු ක්‍රමය වඩා යහපත් විය යුතුය. වෙසක් කාලයට දන් සැල්වට, වයස් හෝ අර්ථීක තත්වයන් නොසලකා සියලු ජනයා ඇදී එයි. එහිදි බොහෝ දුරට සැහෙන දිගු පෝලිම් වල සිට බත් සමග පරිප්පු කයි. නුවර පාර රචකයා නිතරම යන එන අරලියගහ මන්දි‍රයේ නම් මෙදිනට දන්සැල පවත්වන්නේ රාජකීය ලිලාවෙනි.

කිරි ‍කොපි එකක් එහෙමත් නැත්නම් සව් ටිකක්, තව තැනකින් සරුවත් කොප්පයක් මේ හැමදේම බඩට දාගෙන තවත් බත් දන්සලකටත් පියමන් කරන්න තරම් මෙදින කවුරුත් තම උදරය සකසා ගනියි. තවද දන්සැල් වන්දනාවේදි කොතෙක් කෑවත් බඩද නොපිරෙයි. එලෙසම කන ප්‍රමාණයට සමාන ප්‍රමනයක් ඒ අසල කුණු බක්කි වල දක්නට ඇත. ඔය අතර පොලිමේ නොසිට, ගැබ්බර බිරිඳ, අක්කා හෝ නංගි ගේ නම විකුණා දන්සැල් බත් පාර්සල් හොරකම් කරන සෑබැ බෞද්ධයොත් සිටියි.

බත් දන්සැලැ කෙසේ වෙතත්, බිම හෝ අයිස් ක්‍රීම දන්සැල් නම් පැය දෙකකට වඩා නොපවත්වයි. සවස 5 ට විතර පටන් ගන්න මේවා 7 වන විට අවසන් වෙයි. ටිකක් විතර සෙවිල්ලෙන් ඒ අසලින් ගියෝත් අපිට ඇසෙනුයේ, දන් සැල සඳහා අයිස් ක්‍රීම් හෝ බිම බෙදු අයගේම ගනන් හිලව් ටිකකි

මං දහයක් කෑවා
මං නම් 20 ක් බ්ව්වා ... බලා‍‍ගෙන යන විට ................ ඉතුරු ටික ලියන්න ලංකාව තුල මධ්‍ය නිදහස නැත නමුත් දන්සැල් දුන් අය මෙය හොඳින් දනිති

සවස 7 න් පසු බුදු දහමට කිසිත් අදාලත්වයක් නැති හින්දි ඉන්ග්‍රීසි හෝ අපේ චින්චිගේ සින්දුවක් දමා ගනිමින් හොදින් සුර් වි නටති. ඉදින් මේ දන්සැලෙන් ඇති වැඩය කුමක්ද?

බලෙන් කිරි කොපි හෝ සව් පෙවිම මෙහි ඇති නරකම පුරුද්දයි. බෞද්ධ කොඩියක් අතින් ගත් කොලු පැටව් කොඩිය වනමින් නුවර පාරේ යන්නවුන්ට බාදා කරමින් බලෙන් කවා පොවයි. මෙවැනි අත්දැකීම් අප සැමට ඇතැයි සිතමු.

නුවර පාර රචකයා‍ වුවත් මේ කොයි තරම් බණ දෙසුවත්
මෙවන් දන් සැල් වල කොඩි වනන චරිතය හොදින් නිරුපණය කර ඇත. එහි තිබෙන ආතල් එක දන්නේ කල උන් මිසක් අන් කෙවෙත?

කෙසේ වෙතත් දන්සැල් දීම හා එවා බුක්ති විදීම අපි මහත් සතුටෙන් කරමු. ඉතින් අවුරුද්දේ එක දිනකට පමණක් තරහා අවසර ගෙන මෙවන් බදා හෝ කරදකීරිම් ගනන් නොගෙන එවායේ රසය බුක්ති විඳිමින් වෙසක් මිහිර විඳගන්නේ නම් මැනවි.

දන් සැල් දීම් කරදයක් නම් හෝ එවා පාපයක් හෝ වැඩකට නැති දෙයක් නම් හෙට ගෙදරට වී ඉන්න. ඒවාට කැමති කට්ටිය ඒවායේ රසය විඳගනු ඇත.

කිසි ගැලපීමක් නැති මේ ලිපිය නුවර පාර රචකයාට නම් මහත් වු සතුටක් ගෙන දෙයි

හි හි උබලෑ නිදසට තව දින තුනයි

මේ වසර 2010 යි. මැයි නොහොත් වෙසක් මස අවසන් සතිය ගෙවෙමින් පවතියි. මේ වන විට තවමත් සොයා නොගත් ඇත්ත‍ බෞද්ධයොත්, සාම්ප්‍රදායක බෞද්ධයොත්, නව රැඩිකල් මතවාදි බෞද්ධයෝත් හා ඔල්කට් බෞද්ධයොත් පිළිවෙතින් එලඹෙන වෙසක් දිනට සැරසෙමින් සිටිති. සිංහල බ්ලොග් අවකාශයේ මේවන විටත්, ලිපි වලින් තම බෞද්ධ කම හා මුස්ලිම් කම පෙන්වමින් ආගම් අතර සංහිඳියාවට බාදා ඇතිකරන හෝ විවාදයෙන් නව මතවාදයන් හෝ වැලලී තිබු සත්‍යයන් එලියට එමින් පවතින යුගයක් බවට පරිවර්තනය කර ඇත. තවත් කොටසක් විජ්ජාවක් කරමත තියන් යන අතර තුර, එය බිම දැමිමට මං පහරන්නන් රොක් වී අපායට යන මර්ගය දිගේ ඉදිරියට ඇදෙමින් යති. නොදන්නා දේ නම් දෙගෙල්ලෝම ඇත්තේ අපායට යන මාවතේ බවයි. නුවර පාරට එය එතරම් ගැටලුවක් වී නැත මන්ද නුවර පාර තවමත් මැදමුලනට යන පාර සොයමින් සිටියි.

මතෘකාවට අදලා පසුබිම වු කලි කියු ලෙස උබලෑ නිදහස් දිනයට තව දින තුනක් යන්නයි. එනම් ඉහතින් වර්ග කල කොයිනම් බෞද්ධයෙක් හෝ මේ මතෘකාවට අදාල වන හෙවත් උබලෑ ජාතිය නිදහස් කීරිමට සම්මාදම් වී ඇත. හරක් නිදහස් කිරීම තව විදිහකට කියන්නේ නම් ගවයන්ට අභය දානය දීම. මේ කාරනාවට මුලීකවම කටයුතු කරනුයේ පන්සල් හා පුණ්‍ය ආයතනයි. මෙහි කිසිඳු වැරැද්දක් නැත. සතෙකු මරණයෙන් නිදහස් කීරිම පව පින කෙසේ වෙතත් උතුම් ගුණාංගයකි.

මේ කාරණවේදි සලකා බැලිය යුතු අංශයන් තුනක් පවතීයි

1.මේ සඳහා සම්මාදම් වනුයේ කවුරුන්ද
‍සාමාන්‍යයෙන් ගම නගරය බේදයකින් තොරව පන්සල මුලීක කරගත් කණ්ඩායමක් විසින් ප්‍රධාන කොට මේ කර්තවයට එක්වෙයි. මෙහිදි ආධාර පත්‍රයට මුදල්, අදලා දායකයන් හෝ පුණ්‍ය අයතනයේ සාමාජියන් මගින් ගම වටා හෝ අදාල ප්‍රදේශය ගෙවල් වලින් සොයාගන්නා අතරම

• පොහොසත් ව්‍යාපාරිකයන්
• බුකී කාරයාගෙන්
• මස් කඩ කාරයාගෙන්
• බාර් කාරයාගෙන්

යන්න වුන්ගෙන්ද සම්මාදම සරු කරගනියි. මෙහෙදි සැමගෙන්ම් ආධාර එකතු කිරිමේ කිසිඳු ගැටලුවක් නැත. කල පව් කම් ගෙවන්නට මෙවන් පින් අතේ හෝ උතුම් කාරනා සඳහා ඔවුන් එක් කරගැනීම මා දාන්නා බුදු දහමට විරුද්ධ නොවෙයි. එහෙත් මෙතන සදාචාරමය ප්‍රශ්ණයක් ඇත. එය වු කලී තම නැණ පමණින් දැන ගැනීම සැහේයයි සිතමු.

2. ගවයන්ට අභය දානය දිය යුතුද?
විහිලු කතාව ඇරඹුම මෙතන වෙයි.
1. අභය දානය දෙන්නේ කාටද? හරක් නොහොත් ගවයන්ට
2. අභය දානය පිරිනමන්නේ කවුද? මිනිසුන් නොහොත් කිනම් වර්ගයක හෝ බෞද්ධයෝය
3. ජීවත් වීමේ අයිතිය නැති කලේ කවුද? මිනිසුන්මය
4. එලෙස ජීවත් විමේ අයිතිය නැති කිරිමට හේතුව? ඉල්ලුමට සැපයුම හෙවත් හරක් මස් වෙළඳාමයි
5. නැතිකරන උන්ම අභය දානය පිරිනැමීම හරිද? එසේය. එහි කිසිඳු ගැටලුවක් නැත
6. මෙය සදාචාරාත්මකද? නිවැරදි බෞද්ධයන් සොයාගත නොහැකි රටක සදාචාරය මස් කරලා කන්න පුලුවන්ද?


මේම අංශය සඳහා ඉහත ප්‍රශ්ණ හා පිළිතුර පමණක් සැහේ.

3. නිදහස් කරන ගවයාට කුමක් වෙයිද?
ඉහතින් කෙටියෙන් විස්තර කල කරණු දෙක කෙසේ වුවත් මේම පියවරට එනවිට ගවයන්[ඔබ] නිදහස් වී හමාරය. ඉදින් දැන් සොයා බැලිය යුත්තේ ඔබට යන කල දවසයි. බොහෝ විට සිදුවන්නේ ගමේ හෝ අවට සිටින දුප්පත් අය අතර මේ සතුන් බෙදා දීමයි. දැන් මේ සතුන් බෙදා දෙන්නේ දුප්පතුන් අතරය. ඉතින් ආර්ථික අපහසු තාවයක් දැනුනු විට සිටන එකම ආර්ථික භාණ්ඩය නිදහස් කරගත් ගවයාය. ඉල්ලුම සැපයුම න්‍යයට ඉඩ හසර සලසමින් නැවතත් ඊලඟ වෙසක් ලන් වත්ම බේරාගත් ගවයා නැවත් බේරාගත යුතු තත්වයට පත් වී ඇත. මෙය බොහෝ විට සිදු නොවන දෙයක් වෙන්නට පුලුවන. එහෙත් මෙය සිදු වෙයි.

එය ‍එසේ සිදු නොවුනොත් වනුයේ, ඉබා ගාතයේ යන මේ ඔබ, හොර හරක් කාරයන්ට නතු වී මස් කඩයකට දක්වා ගෙන යාමයි.

එය එසේත් සිදු නොවන්නේ නම් වනුයේ ගොනා නාගරික විමයි. එනම් තැන තැන ‍ගොඩ ගැසුණු කණු කා බොහෝ දුක සේ දිවි ගෙට ගසා ගැනීමයි.


කොතරම් මානුෂිකත්වයන් ගැන කතා කලත් ලෙඩ හැදුනු හරකාගේ කකුල කපන් යන රටක අප ජීවත් වන බව අමතක නොකළ යුතුය. ඉදින් තව දින තුනකින් නිදහස් වන ඔබගේ අනාගතය කෙබඳු වනු ඇත්ද? දැන්ම තීරණය කරන්න එදිනට නිදහස් වනවාද? කොක්කේ එල්ලෙනවාද?

නුවර පාර සුව නින්දේන් අවදී වීමට සැරසෙයි

දේශපාලණය උණුසුම අවසන් වී ඇත. රට රජතුමා විසින් රිසි සේ විචාලමින් සිටියි. එජාපය, වික්‍රමසිංහ තව තවත් වල පල්ලට ඇදගෙන යන අතර තුර, අනාගත ලාංකාවේ ජනපති කට මැද දොඩමින් යනවාදෝයි සිතෙයි. රට කන්නට බලන් සිටින NGO කාරයින් රට තුලට රිංගා ගැනීමට මාන බලමින් සිටියි. ඔය අතර තුර වර්ෂාවෙන්ද රටට හනි පමුණුවා ඇත. ඒ දවස දේශපාලන ලිපි ලියු අඩවි කිහිපයක් එය එලෙසින්ම පවත්වාගෙන ගියත් සමහර අඩවි වලට වුයේ කුමක්දැයි සොයගැනීම පවා කල නොහැක. නුවර පාරද එසේමැයි .......

කරුණු එසේ වුවත් අද දින සිට .... නුවර පාර හදිසියේම තම නිද්‍රාෂිලිත්වයෙන් නැගිට නැවතත් බ්ලොග් අවකාශයට එක්වීමට බලාපොරොත්තුවෙන් සිටියි. හේතුව වු කලී......... කලකට පසුව නුවර පාර විසින් ලියු ඉපැරණි ලිපියකට කමෙන්ටුවක් වැට්මයි. එනම් "සම තැන හොයන්න ගිහින් හිමි තැනත් නැති කරගත් අපේ ගැණ..." ලිපියයි. කලකට පෙර බ්ලොග් අවකාශය තුල කා අතරත් කතා බහට ලක්වු නුවර පාර හදිසියේම කට වසාගෙන පැත්තකට විය. දැන් වෙන වැඩ අනුව එය එසේම විය යුතු වබ කෙනෙකු සිතුනවා නොඅනුමානයි

නුවර පාර ආරම්භයේ, මුල් අරමුණ දේශපාලණය නොවුනත්....... යන අතට මැස්සක් ගැසීමේ ප්‍රායෝගික ක්‍රියාමාර්යට එක් වෙමින් දේශපාලණ කාරනා ලිව්වත් ....... දැනට හෝ එදා නුවර පාර කිසිඳු දේශපාලණ කටයුත්තකට සම්බන්ද නැත. සමහර විට නුවරපාර රචකයා ගැන නොදන්නා කෙනෙකු, ඔහු මේවන විට රජ්‍ය අයාතනක සභාපති කමක් දරණවා යයි සිතනු ඇත.


2009 වර්ෂයේ ඔක්තොම්බර් මස 2 දිනකදී පළමු ලිපිය එක්කරමින් සිංහල බ්ලොග් අවකාශයට පැමිණි, නුවර පාරෙහි මුලීක අරමුණ "මෙන්න මෙතනින්" බලාගන්න පුලුවන්. එහෙත් අවස්තානුකූලට එම අරමුණු වලින් වියුත්පන්න ගමනක් යෑමට සිදුවු බව කවුරුත් දන්නා සත්‍යයකි.

නුවර පාර පවත්වාගෙන යෑමට බොහෝ දෙනකු එක් කරන ලද පක්ෂ හා විපක්ෂ කමෙන්ට්ටු මෙන්ම අන් අදහස්ද බොහෝ බලැපෑමක් කල හෙයින් එයට නුවර පාරෙහි ස්තුතිය පුද කරමි. දේශපාලණ බ්ලොගයක් ලෙස හන්වඩු ගැසී ඇති, නුවර පාර එතුලින් ගොඩ ගැනීම ඉදිරි ලිපි වල අරමුණ කරගැනීමට අදහස් කරමි.